Nakað fyri døgurða í dag var ein riðil av fólki at síggja uppi á Hálsi í Havn.
Talan er um starvsfólkahópin hjá Bank Nordik, sum í dag hava ein sokallaðan starvsfólkadag, har felagið Coast Zone skipar fyri ymsum tiltøkum, ið hava til endamáls at samansjóða starvsfólkini.
Tilsamans eru eini 400 starvsfólk við á starvsfólkadegnum. Hesi koma frá Grønlandi, Føroyum og Danmark.
Henda seinnapartin eru tey farin útferð til eitt nú Vestmanna og út á Borðina.
Seinni verður matur og tónleikur í Østrøm.
