Tað er stutt millum umførini í fremstu landskappingini. 10. umfar var í vikuskiftinum, í dag er 11. umfar, og longu sunnudagin verður 12. Umfar.
Toppdysturin í dag verður í Runavík, ar oddaliðið NSÍ tekur ímóti meistarunum í B36, sum eru næstovast á stigatalvuni.
Í Trongisvági verður grannauppgerð millum uppflytararnar TB og FC Suðuroy, og í Gundadali bresta javnaldrarnir HB og KÍ saman.
Víkingur fær vitjan av AB, sum ofta hevur staðið seg væl í Sarpugerði, og við Margáir fær EB/Streymur vitjan av ÍF, sum er dottið aftur á sjeynda plássið.
Sagt verður frá góðum líkindum at spæla fótbólt seinnapartin. Fyrsta bríksl verður klokkan 15 í øllum fimm dystunum:
TB-FC Suðuroy: Alex Troleis
HB-KÍ: Petur Reinert
EB/Streymur-ÍF: Eiler Rasmussen
NSÍ-B36: Lars Müller
Víkingur-AB: Páll Augustinussen
Støðan undan 11. umfari
NSÍ 24
B36 21
HB 16
Víkingur og KÍ 14
TB 12
ÍF 11
FC Suðuroy 9
AB og EB/Streymur 6
