Klokkan 15.05 til 16.55 verður ein serlig oyggjaleikasending á Rás2.
Fyrri tímin verður um tríggjar teir fyrstu kappingardagarnar, og seinni tímin verður um tríggjar teir seinnu kappingardagarnar.
Prátað verður við umboð fyri allar ítróttargreinirnar, har Føroyar tóku lut. Prátað verður við heiðursmerkjavinnarar innan ymiskar greinar, men prátað verður eisini við tey, sum royndu seg á fyrsta sinni í kurvabólti og í strandarflogbólti.
Prátað verður eisini við umboð fyri golf, skjóting og tennis um umstøðurnar, sum mangla hjá hesum at kunna íðka optimalt heima í Føroyum.
