Sunnunáttina fekk løgreglan boð um, at ein bilur var stolin í Syðrugøtu.
Í hesum førinum var hvørki neyðugt at leita leingi ella víða. Stutt eftir komu nevniliga boð um, at bilurin var afturfunnin við havnarlagið í grannabygdini, Norðragøtu.
Av Politistøðini verður upplýst, at orsøkin til at bilurin ikki var farin longur burtur frá eigarmanni sínum var hin einfalda, at so at siga einki brennievni var í tanganum. Hetta vistu tey eisini.
- Tí slapp hann ikki so langt, verður sagt.
Eingin skaði var á bilinum.
(Savnsmynd: Norðragøta))
