Heystið er ein hugnalig tíð á bygd, tá flettingin byrjar við heimaseyði, og fjøllini og hagalombini stunda til.
Í Sandoynni eru menn eisini byrjaðir at fletta heimaseyð, og í gjárkvøldið flettu teir 23 veðurlomb og veðrar í einum bilhúsi.
Inni í snotuliga bilhúsinum stóðu seks flettingarborð, og eitt lið av røskum monnum tóku sær av at fletta veðrarnar.
Størsti veturgamli veðrurin í gjárkvøldið vigaði 76 pund, og onkur annar nærkaðist eisini hesi vekt.
Ein slíkan dag og eitt slíkt kvøld á Sandi stákast húsmóðirin við stórum og góðum nátturða, og seinni borðreiðir hon við køkum.
Soleiðis var eisini í gjárkvøldið, har fleiri menn, kvinnur og børn sótu væl til borð hjá Sannu og Thomas Petersen á Sandi.
