Størsta eyðmýkingin í nútíðar fótbóltssøgu er veruleiki.
Somikið bersøgin eru tey á griska blaðnum, Naftemporiki, nú føroysku fótbóltsgarparnir seta kósina heim við trimum stigum í viðførinum.
Tíðindablaðið skrivar, at grikkar høvdu sínar møguleikar, men teir staðfesta eisini, at tá einsamalla málið í dystinum kom, kom hetta til liðið, sum hevði skapt flestu og bestu møguleikarnar.
- Úrslitið ber við sær, at støðan hjá Claudio Ranieri á beinkinum er meira enn skroypilig, og nú mugu vit bara staðfesta, hvat hendir víðari í tí málinum, ljóðar turrisliga staðfestingin.
