Norski forsætisráðharrin, Jonas Gahr Støre, hevur í dag verið í Ukraina og vitjað forseta landsins, Volodymyr Zelenskyj.
Í Ukraina vitjaði forsætisráðharrin í krígsraktum økjum nærindis markinum til Hvítarusslands, eins og hann vitjaði forsetaborgina í ukrainska høvuðssaðnum, Kyiv.
Norskir miðlar vita í dag at siga, at Jonas Gahr Støre hevur lovað at stuðlað Ukraina, bæði við fíggjarligari-og humaniterari hjálp eins og við hernaðarligari hjálp.
Sambært norskum miðlum fór forsætisráðharrin beint av toppfundinum í Nato, sum var í Madrid, til Ukraina, og av trygdarávum varð vitjanin ikki alment fráboðað.
Áður hevur norski uttanríkisráðharrin, Anniken Huitfeldt, eisini vitjað Volodymyr Zelenskyj í Kyiv. Tað var í byrjanini av mai mánaði.