Løgreglan í Suðurnoregi heitir nú á bátaeigarar um at halda eygað við bátunum, tí í seinastuni eru fleiri bátar stolnir, meðan teir hava ligið við bátabrúgvarnar. Nakrir av teimum stolnu bátunum eru komnir afturíaftur, men ikki allir.
Ta seinastu vikuna eru fleiri bátar stolnir í Kristiansand, Arendal og Grimstad, og løgreglan heldur, at í summum førum eru tað skipaðir brotsmenn, sum hava tikið teir. Fyri nøkrum døgum sóu fólk tríggjar menn taka myndir av bátum, sum lógu í einum bátahyli í Tvedestrand. Sagt verður, at myndamenninir helst vóru útlendingar.
– Hetta kundi bent á, at menn taka myndir av bátum, sum teir halda vera verdar at stjala, sigur løgreglan við Aftenposten.
