Fyri fyrstu ferð nakrantíð hava vit føroyingar í steypafinaluni í hondbólti hjá monnum í Íslandi.
Tað bleiv veruleiki ígjár tá føroyingaliðið í Reykjavík, Fram vann 28-25 á Stjørnuni í hálvfinaluni.
Vilhelm Poulsen er í stórformi fyri tíðina, og í kvøld bumbaði hann 12 bóltar í kassan. Sjey av hesum 12 málunum vóru brotskøst, ið Vilhelm setti trygt í netið.
Rógvi Dal-Christiansen gjørdi sítt í verjupartinum, og hann skoraði eitt mál í hálvfinaluni.
Klokkan 17 seinnapartin í dag spæla Vilhelm og Rógvi sín higartil størsta dyst fyri Fram, tá Fram spælir steypafinalu móti Vali sum má roknast at vera favorittur til at vinna steypafinaluna. Valur vann 32-21 (13-11) á Afturelding í sínari steypafinalu.
Íslendska ríkiskringvarpið vísir dystin á RÚV 1, ið sæst á Televarpinum. RÚV 1 hevur upptakt frá klokkan 16.30.
In.fo og FM1 ynska Vilhelmi, Rógva og liðfeløgunum í Fram bestu eydnu í steypafinaluni.
