Í kvøld spælir Víkingur fyrra dystin í øðrum undaumfari av Euro League, har teir møta norska liðnum Tromsø IL.
Tromsø IL spælir til dagliga í næstbestu norsku deildini, har teir liggja á øðrum plássi. Tað er merkisvert, at Tromsø IL spælir í næstbestu deildini í Noregi og eisini leikar við í Euro League. Orsøkin til hetta, er tí at Tromsø IL í fjør vann tann sokallaða ‘Fair play’ prísin í Noregi, ið gav eitt eyka pláss í Evropa.
Fullmannaður Víkinga hópur
Til dystin í kvøld er talan um eitt fullmannað Víkinga lið. Súni Olsen, ið hevur verið skaddur í eina tíð, er til dystin í kvøld, tøkur aftur.
Harafturat er miðvallarin Sølvi Vatnhamar nú við av álvara aftur, eftir at hann fyrr í ár hevur ferðast millum Føroyar og Danmark fyri at leika dystir.
Tí skuldu møguleikarnir hjá Víkingi verið góðir fyri einum góðum úrslitið í kvøld.
Dysturin millum Víking og Tromsø IL verður spældur á Svangaskarði í kvøld klokkan 19:00.
