Marina Granovskaia er í løtuni sterkasta kvinnan í fótbóltsheiminum.
Tað er greitt, eftir at Ron Gourlay er farin úr Chelsea eftir 10 ár í felagnum.
Hann gjørdist ovasti stjóri í 2009, tá Peter Kenyon legði frá sær.
Formaðurin í felagnum, Bruce Buck, og stjórin, Marina Granovskaia, skulu taka sær av uppgávunum hjá Ron Gourlay fyribils, inntil nýtt fólk verður sett.
Síðani Roman Abramovich yvirtók Chelsea í 2003, hava bert Trevor Birch, Peter Kenyon og Ron Gourlay sitið í starvinum sum ovasti stjóri í felagnum.
Ron Gourlay er farin í starv sum ráðgevi í Atletico Madrid í vikuni.
