Hann fekk fulla plátu, slapp ígjøgnum og slapp at snara gekka-hjólinum í kvøld. Maðurin var Steingrím úr Fuglafirði.
Høvuðsvinningurin var á 270.000 krónur, sum hann valdi at deila í teir tríggjar leyparnar við 90.000 krónum í hvørjum leypi.
Í fyrstu royndini steðgaði hjólið á 15.000 krónum - og í aðru royndini á 10.000. Men, í báðum førum valdi Steingrím at royna aftur.
Og tað gjørdi hann so púra rætt!
Í triðju og seinastu royndini steðgaði hjólið á reyða leypinum við 90.000 skattafríum krónum í, sum eisini gjørdist vinningurin hjá Steingrími í kvøld.
Tað var eisini ein fegin maður í Fuglafirði, sum takkaði fyri.
