Fyrsti týski luttakarin til Tórshavn Marathon kom við Norrønu í morgun.
Talan er um ein í altjóða høpi kendan marathon- og langteinarennara, Stefan Schlett.
Stefan hevur átt týska metið á 1000 miles, tað er 1.690 kilometrar. Tað tók honum 13 dagar og 16 tímar at renna hendan teinin.
Hann var fyrsti týskarin sum rann marathon á øllum sjey heimspørtunum.
Leygardagin, tá Stefan rennur Tórshavn Marathon fyri triðju ferð, væntar hann at brúka 4 tímar og 30 minuttir.
Hetta verður samstundis hansara marathon nummar 690.
