Tarira-kórið, sum í næstum skal hava tvær konsertir í Reykjavík, fer mikukvøldið at hava konsert í Vesturkirkjuni. Konsertin verður klokkan 20, og millum verkini á skránni er eitt nú Sleep eftir amerikanska skaldinum Eric Whitacre. Skráin fevnir um fleiri ambitiøs og sera krevjandi verk, sum av fyrireikarunum verða lýst at fevna breitt bæði landfrøðiliga og huglagsliga - frá tí stilla inniliga til garvilla passión.
