Í dag kundu Frida og Esmar Poulsen, sum búgva á Sambýlinum Oman Mattalág, halda krúndiamantbrúðleyp.
Væl av gestum vóru og vitjaðu, børn og familja. Har var eitt stórt og vældekkað borð, sum starvsfólkini høvdu gjørt nógv burturúr. Har varð boðin alskins køka, sjokuláta og stór lagkøka stóð mitt á borðinum.
Heðin Mortensen, borgarstjóri í Tórshavnar kommunu, kom at vitja og handaði blómur og helt talu fyri teimum. Tey vóru sera byrg og fryntlig, og hugnaðu sær saman við øllum búfólkunum.
Ein góður og væleydnaður dagur á Sambýlinum oman Mattalag.
