Í sambandi við bila- og MC framsýningina í Ítróttarhøllini á Hálsi í Havn verður skipað fyri einum stórum motorsúkklu treffi í dag. Motorsúkklur frá so at siga øllum MC-feløgunum í landinum verða at síggja á økinum framman fyri Ítróttarhøllina kl. 17 í dag.
Talan verður helst um tað størsta motorsúkklu treffið, sum nakrantíð hevur verið í Føroyum, sigur John Rasmussen, sum er stigtakari og fyriskipari av framsýningini, sum er opin í dag frá kl. 11-20 og sunnudagin frá kl. 14-18.
