Tollararnir og politiið í Føroyum hava í felag gjørt tað størsta narkohálið nakrantíð. 9. november komu tveir litavar til Føroya við einum bili, og tollarnir høvdu illgruna um, at rúsevni kundu vera í bilinum.
Tollararnir kannaðu bilin væl og virðiliga, og tað var so drúgt arbeiði, at Norrøna, sum henda dagin framskundaði fráferðina ein tíma, sigldi undan teimum.
Tollararnir sleptu ikki illgrunanum, tí teir høvdu tosað við starvsfelagar í Íslandi. Hetta fekk politið boð um og handtók menninar.
So varð bilurin pilkaður sundur, og tollarar og politistar funnu trý kilo av sera sterkum methamfetamini og 4.200 ecstasy-tablettir.
Teir báðir menninir vórðu varðhaldsfongslaðir 15. november, og varðhaldsfongslingin er síðan longd fleiri ferðir, men løgreglan hevur dult hetta sum mansmorð.
Bergleig Brimvík, leiðari á kriminaldeildini vil ikki koma við nærri upplýsingum, tí rættarfundirnir hava allir verið fyri afturlatnum hurðum.
Tann stóra nøgdin av rúsevnum varð iki ætlað til føroyska marknaðin. Menninir skuldu víðari til Íslands.
Tríggir litavar í Íslandi eru handtiknir í sama máli, og teir eru skuldsettir fyri at vera ætlaðu mótakararnir.
Hetta er størsta narkonøgd, sum nakrantíð er funnin í Føroyum.
Rúsevnini, sum funnin vóruðu í bilinum, vóru nøgv verd. Virðið á ecstasy-tablettunum er umleið 1,3 mió. krónur. Trý kilo av vanligum amfetamini kunnu seljast í Føroyum fyri umleið níggju milliónir krónir, men her var talan um metaamfetamin, sum er nógv sterkari og óvanligt. Prísurin hevði tí verið nógv hægri enn 200 kr./grammið.
