Stórir favorittar eru á heimavølli

KÍ er oddalið, ÍF er á triðja plássi, og B68 er nummar fýra. Hesi trý liðini eiga seinnapartin heimavøll ímóti liðum, sum stríðast fyri at sleppa burtur frá niðurflytingarstrikuni.

Toppliðið í Klaksvík eigur heimavøll ímóti Giza Hoyvík, sum er næstniðast. Tá ið liðini hittust fjúrtanda apríl í sætta umfari á vøllinum í Hoyvík, vann KÍ 3-0. Øll málini vórðu skorað í seinna hálvleiki.

ÍF, sum er á bronsuplássinum, fær vitjan av næstbesta liðnum hjá Suðringum, sum eru aftast.

Tá ið liðini í sætta umfari hittust við Stórá, vunnu fuglfirðingar 9-0.

B68, sum í fleiri vikur var á uppflytingarplássi, tapti fyri tveimum vikum síðani í Fuglafirði, og tað bar við sær, at toftamenn duttu aftur á fjórða plássið. Í dag verður næstbesta liðið hjá HB gestur á Svangaskarði. Tá ið liðini í sætta umfari hittust í Gundadali, vann B68 2-1.

HB er á sjeynda plássi - eitt stig frá niðurflytingarplássi.

Í gjárkvøldið vann næstbesta liðið hjá Víkingi 2-1 á Sandi, og mikukvøldið vann næstbesta liðið hjá Skála 5-2 á heimavølli ímóti næstbesta liðnum hjá NSÍ.

KÍ – Giza Hoyvík: Rani A. Skaalum kl. 17.30

ÍF – Suðringar: Johan Petur Michelsen kl. 16.00

B68 – HB: Bjarki Danielsen kl. 16.00

Støðan