Heima á Anfield hevði Liverpool vitjan av Crewe. Her hevði danski Daniel Agger aftur fingið pláss í byrjunaruppstillingini, og hann takkaði fyri álitið, tá ið hann legði Liverpool á odda eftir beinleiðis fríspark, tá ið eitt korter var farið.
Michael O´Connor javnaði fyri Crewe, áðrenn Lucas Leiva gjørdist sigursharri, tá ið hann skoraði til endaliga úrslitið, 2-1, í seinna hálvleiki.
Á Old Trafford hevði Manchester United trupulleikar av Middlesbrough, har støðan var 1-1 fram til 79. minutt. Stutt frammanundan hevði gestirnir fingið eitt reytt kort, og væl hjálpt av hesum setti United seg fullkomiliga á dystin. Ryan Giggs skoraði til 2-1, áðrenn Nani økti til 3-1 í yvirtíðini.
Arsenal hevði als ongar trupulleikar av Sheffield United. Trý mál í hvørjum hálvleiki syrgdu fyri, at Arsenal vann stórsigur 6-0. Carlos Vela skeyt hattrikk, Nicklas Bendtner skeyt tvey, meðan bara 16 ára gamli Jack Wilshere skoraði eitt.
Øll úrslitini í Carling Cup í kvøld:
Burnley - Fulham 1-0
Leeds - Hartlepool 3-2
Arsenal - Sheffield U. 6-0
Rotherham - Southampton 3-1
Stoke - Reading 4-3 (eftir brotssparkskapping)
Sunderland - Northampton 4-3 (eftir brotssparkskapping)
Watford - West Ham 1-0
Swansea - Cardiff 1-0
Liverpool - Crewe 2-1
Manchester U. - Middlesbrough 3-1
