Ísraelski uttanríkisráðharrin, Eli Cohen, leggur í dag eftir ST-aðalskrivaranum, António Guterres, og heldur, at maðurin ikki hevur uppiborið at leiða ST.
Hetta sigur Eli Cohen sambært tíðindastovuni, AFP.
Fleiri ísraelskir politkarar hava víst sína ónøgd við ST-aðalskrivaran, eftir at hann í endanum av oktober segði seg vera skakaðan av greiðu brotsverkunum, sum Ísrael fremur móti humanitera fólkarættinum í Gaza.
Hetta segði António Guterres á fundi í ST-trygdarráðnum.
Ísraelski uttanríkisráðharrin heldur, at tá ST-aðalskrivarin úttalar seg soleiðis, so rættvísger hann samstundis hópmorð og sipar til Hamas-álopið á Ísrael hin 7. oktober.
Úttalilsini hjá António Guterres fingu eisini ilt í ST-sendimannin hjá Ísrael, Gilad Erdan.
- ST-aðalskrivarin, sum sigur seg skilja hópdráp av børnum, kvinnum og eldri er ikki egnaður at leiða ST. Tí heiti eg á hann um at taka seg aftur úr sessinum, skrivar Gilad Erdan á X, fyrrverandi Twitter.
