– Teoribók til persónbil, sum heitið er, fer at leggja lunnar undir, hvussu vit orða okkum í bili og ferðslu annars við ótilgjørdum orðum sum kopling, spitari og gir, sum jú øll siga í dagligari talu.
Nám hevur staðið fyri útgávuni, sum Erling Isholm, studentaskúlalærari, umsetti úr donskum. Hans Jacob Hermansen, koyrilærari, og Jákup Jacobsen og Asbjørn Berg á Akstovuni, hava veitt málsliga og fakliga ráðgeving. Sum nakað nýtt hevur Tryggingarfelagið Føroyar stuðlað útgávuni.
Hósdagin 15. mars kemur teoribókin á marknaðin. Bókin er til allar næmingar í koyriskúlunum kring landið, men er samstundis eisini ein hent handbók til allar bilførarar og tey, sum hava áhuga í ferðsluviðurskiftum.
Bókin er 243 síður býtt yvir 10 kapitlar og hevur ferðsluskelti og drúgvan leitorðalista aftast. Søluprísurin er 350 krónur.
Nýggja teoribókin verður løgd fram í hølum hjá Tryggingarfelagnum Føroyum á Kongabrúnni í Havn, hósmorgunin 15. mars klokkan 9.00.
