Sparingarnar, sum eru í væntu á Landssjúkrahúsinum, eru sera óhepnar.
Tað sigur Hjálparlæknaráðið.
Tey hava havt aðalfund í dag og har umrøddu tey eisini ætlaðu skerjingarnar á Landssjúkrahúsinum.
Tað, ráðið sipar til, er at stjórin á Landssjúkrahúsinum hevur boðað frá, at skal Landssjúkrahúsið sleppa undan at seta sparingar í verk næsta ár, má játtanin hækka einar 16 milliónir krónur.
Les eisini: Landssjúkahúsið má skerja virksemið nógv
Stjórin sigur eisini, at hækkar játtanin ikki, og Landssjúkrahúseitt noyðist at seta sparingar í verk, er eitt sparitiltak, ætlanin er at seta í verk, at lækka talið á hjálparlæknum.
Hjálparlæknaráðið ger greitt, at tey taka undir við Læknafelagnum, og felagnum Føroyskir Sjúkrarøktarfrøðingar, sum bæði hava funnist at sparingunum og hava kallað tær sera óhepnar.
Les eisini: Eg trúði ikki at tað kundi verða verri enn tað er
– Tað er sera óheppið, at tað skula sparast uppaftur fleiri pengar í sjúkrahúsverkinum, sigur Hjálarlæknaráðið.
Serstakliga standa tey spyrjandi um ætlanina at skerja í hjálparlæknastørvum.
– Vit hava trupuleikar við at fáa læknar hendan vegin, og sum nú er, arbeiða nærum allir okkara limir meira enn fulla tíð, siga tey
Les eisini: Hevði ikki væntað sparingar á Landssjúkrahúsinum
Annars hevur nevndin í Hjálparlæknaráðnum skipað seg við Turið Holm Johannessen sum forkvinnu og Dáviði Michelsen sum næstformanni. Harumframt er nevndin mannað við Eyð Tausen Magnussen, Amaliu Danielsen, Kasper Kyhl og Sámali Jakobsen.
