Leygardagin fer fótbóltskappingin í bestu deildini í heystfrí. Fýra dystir vera leygardagin. Tann fimti – millum NSÍ og KÍ – varð spældur leygarkvøldið 22. mai. Hinir fýra dystirnir í 12. umfari vóru á skrá sunnudagin 23. mai, men tá argaði koronan so mikið illa, at fótbóltsdystirnir vórðu útsettir, og nú leygardagin eru teir aftur á skrá.
Tað verður fótbóltur í fremstu røð frá klokkan 15, og síðsta bríkslið verður í Sarpugerði, tá ið klokkan av álvara fer at nærkast sjey leygarkvøldið.
NSÍ og KÍ eru longu farin í heystfrí frá landskappingini, og hini átta liðini fara leygarkvøldið í heystfrí frá landskappingini.
Næstu vikuna og fram til týsdagin í aðru viku verður landsliðsfótbóltur á skránni.
A-landsliðið fer fríggjakvøldið at spæla á heimavølli ímóti Eysturríki og annað mánakvøld á heimavølli ímóti Skotlandi.
U-21 landsliðið fer eftir døgurða hósdagin at spæla á heimavølli ímóti Norður Makedonia og annan mánadag á útivølli ímóti Ukraina.
Í heystfrítíðini verður farið undir endaspurtin í landskappingini. Tá vera tríggir dystir leygardagin 16. oktober og tveir dystir sunnudagin 17. oktober.
Leygardagin 2. oktober
Víkingur – EB/Streymur: Jóhan Hendrik Ellefsen kl. 17.00
B68 – 07 Vestur: Rani A. Skaalum kl. 15.00
B36 – HB: Dagfinn Forná kl. 16.00
TB – ÍF: Rúni Gaardbo kl. 16.00
Leygardag 22. mai
NSÍ – KÍ 0-3 (0-2)
0-1: Claes Philip Kronberg 20.
0-2: Bob Sumareh 34.
0-3: Bob Sumareh 66.
| KÍ | 23 | 21 | 2 | 0 | 92 | 7 | 65 |
| Víkingur | 23 | 16 | 5 | 2 | 52 | 21 | 53 |
| HB | 22 | 14 | 4 | 4 | 69 | 19 | 46 |
| B36 | 23 | 11 | 9 | 3 | 46 | 24 | 42 |
| NSÍ | 24 | 11 | 5 | 8 | 45 | 36 | 38 |
| 07 Vestur | 23 | 6 | 4 | 13 | 29 | 65 | 22 |
| EB/Streymur | 22 | 5 | 4 | 13 | 20 | 45 | 19 |
| B68 | 23 | 5 | 4 | 14 | 25 | 58 | 19 |
| ÍF | 23 | 3 | 4 | 16 | 21 | 60 | 13 |
| TB | 22 | 0 | 3 | 19 | 13 | 77 | 3 |
Leygardagin 16. oktober
KÍ – B36
EB/Streymur – TB
HB – B68
Sunnudagin 17. oktober
Víkingur – ÍF
NSÍ – 07 Vestur
