Teis Horn Rasmussen og liðfelagarnir í Ribe-Esbjerg vunnu í dag ein góðan sigur á útivølli í bestu donsku hondbóltsdeildini.
Í torførum dysti vann Ribe-Esbjerg 34-32 á Fredericia. Í steðginum var støðan javnleikur 16-16.
Teis skoraði tvey mál upp á fýra málroyndir, og hann vann liðnum tvey brotskøst.
Ribe-Esbjerg hevur 11 stig á níggjunda plássinum. Tað er sama stigatal sum Skjern og Sønderjyske hava á sjeynda og áttanda plássinum.
Komandi hósdag hevur Ribe-Esbjerg heimadyst í Blue Water Dokken høllini móti HØJ, ið hevur leigað Paula Jacobsen út til HC Keypmannahavn.
