Barnaróður dreingir: Blaðungu dreingirnir hjá Kappróðrarfelagnum NSÍ gjørdu í dag tað, sum teir hava gjørt mest sum hvørja ferð á stevnunum fyrr í summar. Teir vóru fyrstir á mál og vunnu harvið fyri sættu ferð, og tað ber við sær, at Spógvin við dreingjamanning hevur tryggjað sær FM heitið í barnakappingini.
Talan var um sera tætta kapping. Spógvin var bara reingina frammanfyri Junkaraan, sum var eina stóra bátslongd frammanfyri Fípuna Føgru og Firvald. Hetta var nett sama endastøða hjá fýra teimum fremstu, sum var á Fjarðastevnu.
1 Spógvin 02:33.11
2 Junkarin 02:33.19
3 Fípan Fagra 02:36.12
4 Firvaldur 02:38.10
5 Tambar 02:41.16
6 Frúgvin 02:45.00
7 Havfrúgvin 02:45.19
8 Teistin 02:46.15
