Í morgin er altjóða arbeiðaradagur og í hesum sambandi skipar Havnar Arbeiðsmannafelag fyri 1. maidagshaldi á Vaglinum í Havn kl 15.
Arbeiðaradagurin er ímyndin av stríðnum fyri góðum livikorum til allar borgarar og fyri stríðnum um eitt betri og rættvísari samfelag.
Arbeiðaradagurin hevur verið hildin síðani seinast í 19. øld. Í dag eru góð 80 lond, sum hava arbeiðaradagin sum almennan frídag, umframt nógv onnur lond, sum halda dagin, uttan at tað er almennur frídagur. Fyri limir í arbeiðarafeløgunum er 1. mai frídagur.
Røðarar á 1. maidagshaldinum á Vaglinum í Havn klokkan 15 verða:
• Sonja J. Jógvansdóttir, samskipari í Samtak
• Heri Reynheim, nevndarlimur í Havnar Arbeiðsmannafelag
• Petur Skeel Skarðsá, arbeiðsmaður
Havnar Hornorkestur spælir á tiltakinum
