Uppreistrarmenn, sum hava yvirgangsfelagsskapin al-Qaeda sum fyrimynd, hava burturflutt somaliska ráðharran, sum umsitur viðurskiftini hjá landsins kvinnum. Sambært embætismonnum varð Asha Osman Aqiil burturfluttt í býnum Balad, sum er 30 kilometrar norðan fyri høvuðsstaðin, Mogadishu.
Asha Osman Aqiil varð tilnevnd ráðharri í gjár, og ein talsmaður fyri burturflytararnar sigur, at hon er í einum fongsli í Balad, sum tann víðgongdi felagsskapurin al-Shabaab hevur ræðið á.
Útlendskir eygleiðarar siga, at burturflytingin kemur sera illa við, nú fleiri hjálparfelagsskapir royna at hjálpa teimum í Somalia, sum eru rakt av tí óvgusliga turkinum á Afrikanska Horninum. Al-Shabaab hevur fyrr sýtt útlendskum hjálparfólki atgongd til tann partin av Somalia, sum felagsspaurin hevur ræðið á, men er júst gingin við til at lata tey neyðstøddu fáa hjálp.
