- Í løtuni eru fimm partrolarapør til fiskiskap, og tey flestu koma inn at landa í vikuni sum kemur.
Tað vita tey á Fiskamarknaði Føroya at siga.
Um djúpvatnstrolararnar verður sagt, at tveir eru eystanfyri og fiska svartkalva. Báðir koma inn at landa miðskeiðis í vikuni.
- Ein djúpvatnstrolari er eystanfyri og fiskar upsa, men óvist er, um teir koma inn at landa í vikuni.
Lagt verður aftrat, at havrannsóknarskipið, Jákup Sverri, í løtuni ger yvirlitstrolingar og kemur vantandi at landa miðskeiðis í vikuni.
- Jákup Sverri hevur mest av toski og upsa.
Í løtuni liggja allir teir smáu trolbátarnir við bryggju. Teir bíða eftir betri veðri.
- Tvey garnaskip fiska svartkalva. Skipini hava misjavnan fiskiskap, og báðir koma inn at landa í vikuni, siga tey á Fiskamarknaði Føroya.
