Tað er einki nýtt í tí, at tað í kappingini millum 6-mannafør við kvinnum snýr seg um kapping millum Jarnbard og Sølmund.
Í dag legði Víkingur hjá Havnar Róðrarfelag rættiliga bragdliga fyri og var fremstur, tá ið startspurturin var av. So myndaðist tað soleiðis, sum tað plagar at gera.
Sølmundur og Jarnbardur drógu frá hinum, og í miðróðrinum sá ta út til, at Jarnbardur hevði hug til at fara frá tí gula bátinum.
Men so svaraði Sølmundur aftur, og tá ið guli báturin fór um málið, var hann skutin undan bláa bátinum hjá Róðrarfelagnum Knørri.
Tindur var væl aftastur, og Víkingur var fleiri bátslongdir undan Tvørabátinum i kappingini um triðja plássi.
6 MANNAFAR KVINNUR
| Navn | Nr. | Tið | Stig | Gult | Reytt |
|---|---|---|---|---|---|
| Sølmundur (NSÍ) | 1 | 06:02.34 | 7 | 0 | 0 |
| Jarnbardur | 2 | 06:04.00 | 6 | 0 | 0 |
| Víkingur | 3 | 06:18.32 | 5 | 0 | 0 |
| Tvørabáturin | 4 | 06:40.29 | 4 | 0 | 0 |
| Tindur | 5 | 07:11.39 | 3 | 0 |
