Við einum knúsandi 5-1-sigri ímóti Írlandi í Dublin fyrrakvøldið eydnaðist tað danska landsliðnum hjá monnum at spæla seg víðari til HM-endaspælið, sum verður í Russlandi næsta summar. At Danmark sleppur við til endaspælið kemur væl við hjá danska fótbóltssambandinum, DBU, sum fyri ómakin fær ímillum 60 og 70 milliónir krónur frá FIFA.
Ein partur av upphæddini verður býttur út til leikararnar, sum hava verið í hópinum í undankappingini. Upphæddirnar eru ymiskar og verða býttar út sambært sáttmála ímillum DBU og fakfelagið hjá donsku leikarunum, Spillerforeningen. Summir leikarar fáa upp ímóti einari millión, meðan serliga ein spælari fær væl minni, nevniliga 56.500 krónur.
Leikararnir fáa eitt bonus fyri at verða úttiknir, bonus fyri at vinna heimavølli, bonus fyri at fáa stig á útivølli, bonus fyri at spæla seg víðari og harumframt 1,05 krónu í part fyri hvønn áskoðara, sum er til heimadystirnar. Átta av leikarunum hava verið við í øllum dystunum í undankappingini, og harvið fáa teir mest møguliga bonus, sum er áljóðandi 879.026 krónur.
Sáttmálin umfatar allar leikararnar, sum hava verið í hópinum til galdandi dystir, og ikki einans teir, ið hava spælt inni ella fingið flestar minuttir. Tískil eru nakrir, ið ikki hava spælt serliga nógv, men hóast tað fáa eins nógv í bonus sum teir, ið hava spælt allarflestar minuttir.
Danska Ekstrablaðið hevur gjørt eina útrokning, sum vísir hvat hvør einstakur danskur leikari fær í samlaðum bonusi fyri at Danmark nú hevur spælt seg til HM-endaspælið í Russlandi. Útrokningin sæst niðanfyri:
879.026 kr.: Christian Eriksen, Thomas Delaney, Frederik Rønnow, Simon Kjær, William Kvist, Mathias Zanka Jørgensen, Lasse Schøne og Jannik Vestergaard
822.500 kr.: Nicolai Jørgensen
802.180 kr.: Andreas Christensen
800.026 kr.: Andreas Cornelius
799.141 kr.: Andreas Bjelland
740.915 kr.: Jonas Lössl
724.528 kr.: Riza Durmisi
722.295 kr.: Pione Sisto
664.526 kr.: Viktor Fisher
650.228 kr.: Yussuf Poulsen
643.295 kr.: Kasper Schmeichel
560.184 kr.: Lukas Lerager
548.728 kr.: Peter Ankersen
482.532 kr.: Kasper Dolberg
481.184 kr.: Nicklas Bendtner og Mike Jensen
462.186 kr.: Henrik Dalsgaard
366.734 kr.: Martin Braithwaite
262.342 kr.: Pierre Emil Højbjerg
185.496 kr.: Daniel Wass
156.731 kr.: Lasse Nielsen
144.498 kr.: Jonas Knudsen
135.500 kr.: Lasse Vibe
105.611 kr.: Rasmus Falk og Erik Sviatchenko
79.885 kr.: Nicolaj Thomsen
79.000 kr.: Frederik Sørensen og David Jensen
56.500 kr.: Marcus Ingvartsen
