Landsstýrisformaðurin, Múte. B. Egede, hevur nú eisini fingið koronu, eins og nógv onnur í Grønlandi seinastu tíðina.
Tað skrivar hann á Facebook í dag, og tað er Sermitsiaq, ið endurgevur formannin, sum er staddur í Danmark.
- Eg havi frá í dag útsett allar mínar fundir á mínari ferð, eftir at ein pcr-test hevur víst, at eg eri smittaður við koronu.
Múte. B. Egede leggur aftrat, at í løtuni er hann ússaligur, men hann hevur tað kortini gott eftir umstøðunum.
- Eg ynski tykkum alt tað besta og ein góðan dag, sigur landsstýrisformaðurin í stuttorðaðu fráboðanini í dag.
##med2##