2. deild
Tað hevur gingið heilt eftir vild hjá AB seinastu nógvu umførini. Nógvir skaðar og hartil hoyrandi frávera hava viðført, at liðið er dottið av einum lovandi sessi í oddinum niður móti strikuni, men leygardagin bragdaði so loksins, tá teir vitjaðu í Leirvík.
Tað var tó ikki nógv, sum bendi tann vegin, tá LÍF tíðliga í dystinum fekk brotsspark, men hetta varð misnýtt, og so kom AB spakuliga ígongd.
Og beint fyri steðgin var tað so miðvallarovastin á liðnum, Pætur Dam Jacobsen, sum kundi leggja AB á odda, og so gekk rætta vegin.
Eftir steðgin økti Hans Jørgen Djurhuus, og so kundi afturvendi Eyðun Samuelsen staðfesta 3-0 sigurin, sum eftir øllum at døma endaliga lyfti AB av botninum.
Argjamenn mugu tó ásanna, at tað so ikki verður í ár, at teir veruliga skulu gera um seg heilt uppi í gjøgn á stigatalvuni, men hóast vónirnar kanska vóru um hetta, so man tað í sjálvum sær ikki vera nøkur vanlukka fyri felagið, sum í fyrsta umført bert hevði sett sær sum mál at stabilisera seg í deildini. Tí málinum hava teir eftir øllum at døma rokkið, og so er spurningurin, hvussu nógv liðið kann gera um seg seinasta triðingin av árinum.
LÍF?AB 0-3 (0-1)
0-1: Pætur Dam Jacobsen
0-2: Hans Jørgen Djurhuus
0-3: Eyðun Samuelsen
