Eitt ísfiskalínuskip er nýliga byrjað túr undir Íslandi, og hetta skipið kemur neyvan inn at landa í næstu viku.
- Tvey ísfiskalínuskip koma undan Grønlandi í næstu viku. Annað landar mánadagin, og hitt landar mikudagin. Skipini hava mest av toski og so nakað av brosmu.
Á Fiskamarknaði Føroya vita tey í dag at siga, at tvey ísfiskalínuskip eru á Rygginum.
- Annað skipið kemur inn at landa fyrst í næstu viku, og hitt kemur helst í aðru viku. Skipini á Rygginum fáa mest av toski og so nakað av svartkalva.
Av frystilínuskipunum eru trý undir Føroyum, og eitt fiskar í grønlendskum sjógvi.
Um útlitini til útróður í næstu viku, vita tey á Fiskamarknaði Føroya í dag at siga, at streymurin verður góður, men harðnar út á vikuna.
- Fiskiskapurin er ikki góður hjá teimum sum royna við línu, men brúkiligur hjá teimum sum fiska við snellu, verður lagt aftrat.
