Tað gekk, sum tap plagar at gera, tá ið 6-mannaførini við monnum kappaðust í Hósvík.
Smyril var fremstur á mál, Smyril hevur fult stigatal, og tað skal øgiliga nógv venda øðrvísi tríggjar tær næstu ferðirnar, enn tað gjørdi í dag, og tað hevur gjørt tríggjar tær undanfarnu ferðirnar, um Smyril ikki fer at vinna FM á ólavsøku.
Smyril var fremstur allan teinin, og endaspurturin var sera sannførandi.
Sundabáturin var greitt næstfremstur, og Hvessingur úr Hvalvík-Streymnesi vann lokalu kappingina við Hósvíking um triðja plássið.
| 1 | Smyril | 04:58.00 | 7 |
| 2 | Sundabáturin | 05:00.30 | 6 |
| 3 | Hvessingur | 05:04.05 | 5 |
| 4 | Hósvikingur | 05:05.41 | 4 |
| 5 | Gongurólvur | 05:07.17 | 3 |
| 6 | Tindur | 05:08.38 | 2 |
| 7 | Riddarin | 05:10.08 | 1 |
