Tá Smyril hóskvøldið klokkan 19:00 stevndi út av Havnarvág við kós móti Suðuroynni, stóð ein rúgva av bilum eftir á bryggjuni Onkur ferðandi segði seg hava talt minst eini 50 bilar, ið ikki sluppu við Smyrli hóskvøldið áðrenn Dýra Biðidag.
Nógv fólk ferðast vanliga suðureftir, tá halgidagar stunda til, og longd vikuskifti eru fyri framman. Harafturat er stór sølustevna eisini í Trongisvági um vikuskiftið, og alt hetta sást aftur umborð á Smyrli, ið var fullur av bæði fólki og bilum.
Tað skiltist á fleiri ferðandi, at tey undraðust á, at fleiri stórir lastbilar vóru við herdan túr, so bert onnur rampan kundi vera í nýtslu.
Í øllum førum gjørdist nýggi Smyril alt ov lítil til eftirspurningin hóskvøldið.
