Tríggir dystir eru leiktir í SMS-deildini fyrr í dag. Klokkan 18 byrjar tann fjórði dysturin, ið er millum Kyndil og VÍF í høllini á Hálsi í Havn.
Suðuri í høllini í Vági vann H71 stórsigur 37-16 á VB. Tíverri er eingin dómaraseðil tøkur frá dystinum.
Í høllini á Hálsi vann Neistin eisini stórsigur, har StÍF var á vitjan. Neistin vann dystin 41-18. StíF var frægari við í fyrra hálvleiki. Í steðginum var Neistin á odda 18-12.
Í KÍ-høllini í Klaksvík vann Stjørnan 34-24 á EB. Í steðginum vóru klaksvíkskvinnur á odda 17-14.
H71 stýrir trygt ímóti FM-hálvfinalunum, men kapprenningin um annað plássið er beinhørð:
##med2##
HER er dómaraseðilin frá HSF frá dystinum Neistin-StÍF 41-18 (18-12):
##med3##
HER er dómaraseðilin frá HSF frá dystinum Stjørnan-EB 34-24 (17-14):
##med4##
