Grannauppgerð var í SMS-deildini í kvøld.
Í høllini á Hálsi í Havn vann Kyndil 28-25 á Neistanum.
Tað var tó Neistin sum var á odda 12-10 í steðginum. Tíðliga í seinna hálvleiki var Neistin á odda 15-11.
Tá 10 minuttir vóru eftir at leika var støðan javnleikur 23-23. Tá eydnaðist Kyndli at leggja seg framum 26-23, og eftir tað hildu tær leiðsluni í dystinum.
Turið Arge Samuelsen var sum so mangan áður stórskjútti fyri Kyndil. Í kvøld skoraði Turið heili 13 mál.
Tað lá eisini væl fyri hjá Mariu P. Nólsoy at skjóta mál fyri Neistan. Maria gjørdist toppskjútti hjá Neistanum við 10 málum.
Kyndil-Neistin 28-25 (10-12)
Kyndil: Turið Arge Samuelsen 13, Bára K. Hansen 6, Inga Maria Roysdóttir 3, Bjarta O. Johansen 3, Nadja Pejovic 2, Sólja B. Poulsen 1.
Neistin: Maria P. Nólsoy 10, Anna S. Mikkelsen 6, Hervør Niclasen 5, Silja Heðinsdóttir 2, Sára S. Mikkelsen 1, Lea Mortensen Mørk 1.
| Støðan (hsf.fo) | Dystir | Vunnin mál | Tapt mál | Munur | Stig |
|---|---|---|---|---|---|
| NEISTIN | 8 | 255 | 192 | 63 | 14 |
| KYNDIL | 8 | 249 | 196 | 53 | 14 |
| H71 | 7 | 220 | 198 | 22 | 8 |
| STÍF | 7 | 200 | 203 | -3 | 8 |
| VÍF | 7 | 206 | 202 | 4 | 6 |
| STJØRNAN | 7 | 174 | 209 | -35 | 4 |
| EB | 7 | 173 | 218 | -45 | 3 |
| VB | 7 | 177 | 236 | -59 | 1 |
