SMS: Grundspælið endaði við javnleiki millum VB og Kyndil

Í kvøld var tann seinasti dysturin í grundspælinum leiktur í Vágshøll í Vági millum VB og Kyndil. 

Undir vanligum umstøðum hevði Kyndil verið favorittur at vunnið dystin, men fleiri stuðulsleikarar hjá Kyndli vóru ikki við á ferðini til Vágs.

Dysturin millum VB og rættiliga unga Kyndils-liðið endaði við javnleiki 23-23. 

VB var á odda 15-12 í steðginum, og vágskvinnur vóru á odda 17-13 tá 40 minuttir vóru leiktir. Kyndil kom ikki uppá javnt fyrrenn tveir minuttir 

vóru eftir at leika.

Fríggjadagin klokkan 20 spælir VB hálvfinalu í niðara endaspælinum móti EB. Kyndil spælir steypafinalu móti H71 leygardagin klokkan 18. FM1 sigur beinleiðis frá steypafinaluni.

VB-Kyndil 23-23 (15-12) - Stigatalvan sæst undir dómaraseðlinum frá HSF: 

##med2##