Nýggi Seat Leon er eins og Seat Altea og Toledo teknaður av kenda bildesignaranum Walter de Silva. Allir hesir bilarnir líkjast og hava sermerkta designið hjá nýggju Seat-generatiónini. Seat er sportsliga bilmerki hjá VW-konsernini.
Leon er ein smartur og rúmligur familjubilur við sportsligum koyrieginleikum. Í mun til forgangaran er nýggi Leon væl størri og rúmligari.
Fimm motorar eru at velja ímillum, tveir bensin og tveir diesel. Bensinmotorarnir eru: 1,6 litur við 102 hk, og 2,0 litur FSI við 150 hk og ein FSI við 185 hk. Dieselmotorarnir eru: 1,9 litur TDI við 105 hk, og 2,0 litur við 140 hk.
Næsta ár koma tvær útgávur afturat, Leon FR og Leon Cupra við 2,0 litur TFSI-motorum við ávikavist 200 og 225 hk.
Leon hevur ESP sum standard eins og differentialesperru og bremsuassistent. BSW-skipanin heldur bremsuskivurnar reinar og fríar fyri vatn, og TSC-antispinn er ein partur av ABS-bremsuskipanini.
Motorjournalistar, sum hava royndarkoyrt bilin í Spania, siga, at nýggi Leon er bæði sportsligur at koyra og góður at sita í - setrini eru nakað heilt fyri seg. Eins og á t.d. Alfa Romeo 156 sita hurðahandtakini til bakhurðarnar fjald í aftastu síðurútunum - smart.
Nýggi Seat Leon kemur á marknaðin í heyst. Prísin vita vit einki um enn.
Seat Leon 1,6
Motorurin1,6 litur bensin 102 hk
0-100 km/t11,7 sek
Bensinnýtsla13,3 km/l
Dekkstødd205/55-16
Stødd og vekt
Longd432,0 cm
Breidd177,0 cm
Hædd146,0 cm
Eginvekt1.300 kg
Viðførisrúm341 litrar
SøluumboðP/F Bilasølan
Vegurin Langi
Tel. 315354
www.bilasolan.fo
