Fyri einum góðum tíma síðani hendi eitt ferðsluóhapp á Villingardalsvegnum í Havn.
Óhappið hendi, tá ið ein átta ára gamal drongur kom frá eini síðugøtu út á Villingardalsvegin og súkklaði beint fyri ein bil, sum ikki lukkaðist at steðga.
Løgreglan veit ikki nógv um smálutirnar í óhappinum.
Men drongurin varð fluttur á Landssjúkrahúsið, tí helst hevur hann fingið nakað av skaða, møguliga hevur hann brotið beinið, sigur Løgreglan.
