Fyri løtu síðani gjørdist greitt, at Kroatia er eitt av liðunum í hálvfinaluni í EM-kappingini hjá monnum. Tað hendi, tá Slovenia vann 32-30 á Ungarn, eftir at teir høvdu verið á odda 14-13 í hálvleikinum.
Dysturin var serliga avgerandi fyri Ungarn, tí vunnu teir, kundu teir komið í hálvfinaluna við at vinna seinasta dystin, sum er ímóti kroatum. Men tað slovenska liðið vísti seg at vera betri skipað, og ungarar fingu ongantíð fatur á tí spælinum, sum teir vístu ímóti Spania og Fraklandi í tí innleiðandi umfarinum.
Støðan í bólkinum er
Spania 7 stig
Kroatia 6 stig
Slovenia 4 stig
Ungarn 3 stig
Ísland 2 stig
Frakland 2 stig
