Nógva staðni, har Fiskavirking hevur latið virki aftur, hava teir tikið nógvar maskinur og amboð av virkjunum, og flutt tey á onnu virki
Men tað kann Fiskavirking gloyma alt um í Miðvági, siga tey.
Báði Kári á Presttrøðni, og Dánial Johannesen siga stríðsfúsir, at virkið skal ikki rørast.
Í hesum sambandi hava teir vágbingar sum fyridømi.
Vágbingar hava staðið sum ein maður um virkið. Tað fara vit eisini at gera, siga teir báðir.
Teir siga, at teir eru til reiðar blokera, og annars gera tað, sum krevst, fyri at varðveita virkið, sum tað er.
? Vit góðtaka ikki, at øll hesi fólki verða tveitt í eina vanlukku. Fiskavirking skal ikki sleppa at frysta okkum úti.
At politikarar tiga, kann bara vera tí, at hetta er ein politisk herferð ímóti okkum í Vágum.
Tey taka tað t.d. sum ógvuliga vanvirðandi, at tey onki hava hoyrt aftur frá politikarunum, hóast tað nú er ein vika síðani teir góvu politikarunum mótmælini.
? Týsdagin mótmæltu starsvsfólk á landssjúkrahúsinum. Longu sama kvøld boðaði landsstýrismaðurin frá, at tað varð tikið til eftirtektar ? Hann skilir ikki, at politikarar tiga, ímeðan so stórt arbeiðspláss í Vágum verða niðurlagt, samstundis sum rinið og hvinið verður um hvørt almenna starv í Havn.
? Hevði hetta verið í Havn, hevði ein heilur herur av sálarfrøðingum, sosialráðgevarum, og als-fólki staðið til reiðar at lofta teimum.
? Vit í Vágum verða sparkað út ígjøgnum hurðina, uttan nakað sum helst.
? Høvdu vit havt undirskot, høvdu vit góðtikið at at stongt. Men vit góðtaka tað ikki so leingi, vit liggja í frægara endanum og geva yvirskot, sigur Kári á Presttrøðni.
