Gjárkvøldið fekk báturin Avalon, sum Livar Nysted og felagar hansara rógva tvørtur um Atlantshavið, ein sjógv.
Sjógvurin var mettur at vera sjey metrar, og tað var orsøkin til, at slengrikjølurin brotnaði.
Teir siga, at tað kendist sum at verða raktur av einum golfbólti men eru nøgdir við, hvussu báturin kláraði seg í hesum brotinum.
Teir steðgaðu ongantíð, meðan teir umvaldu kjølin, og tíbetur høvdu teir eykalutir umborð.
Hetta er nú alt klárað, og kortini megnaðu teir at rógva 74 fjórðingar, 86 miles.
Tað var nakað av mótstreymi og ýðum á leiðini. Vindurin var um tríggjar til fimm m/s og slætt í sjónum í gjárkvøldið.
Hóast alt gongur væl hjá teimum, og vænta teir meira vind mikudagin og hósdagin. Allir menninir hava tað gott.
