Íslendski forsætismálaráðharrin Katrín Jakobsdóttir hevur seinnapartin boðað frá, at ætlanin er at lata upp fyri fremmandum at ferðast í Íslandi. Tað verður loyvt øllum at ferðast í Íslandi frá 15. juni ella kanska fyrr enn so.
Tað verður ikki neyðugt við sóttarhaldi í tvær vikur. Treytin er, at tey ferðandi lata seg COVID-19 kanna, áðrenn tey fara av flogvøllinum í Keflavík og at ferðast í Íslandi ella til hús, um tey eru búsitandi í Íslandi.
Neyvari ásetingar um hetta vera almennar um mánaðarskiftið.
Og so verður lagt aftrat, at tað er loyvt at ferðast í og úr Íslandi og til Føroyar og Grønlands nú beinanvegin.
