Gongur soleiðis sum danska stjórnin ætlar, hvørvur pappírið út úr royndarhølunum á donsku universitetunum. Hereftir verða royndirnar talgiltar. Tað er í øllum førum ætlanin hjá danska vísindaráðharranum, Charlotte Sahl Madsen.
- Tey lesandi brúka telduna nógv, so tíðin er komin til at ein eisini brúkar telduna til royndirnar.
Ein royndarætlan er sett í verk í Århus Universiteti, og skal henda mennast soleiðis at øll universitetini framyvir fara yvir til digitalar royndir.
