Danska løgreglan tók í morgun fimm menn, sum eru undir illgruna fyri at hava ætlað at beina fyri einum blaðteknara Sambært løgregluni er illgruni um, at teir fimm menninir høvdu lagt ætlanir um at beina fyri blaðteknaranum Kurt Westergaard, sum var ein av teimum 12 teknarunum, ið teknaðu tær kendu Muhammed-tekningarnar í Jyllands-Postinum í septembur í 2005.
Danska kringvarpið sigur, at teir fimm menninir vórðu tiknir á Århus-leiðini. Tríggir teirra eru danskir ríkisborgarar. Hinir báðir eru útlendskir ríkisborgarar og verða væntandi vístir av landinum, sigur kringvarpið.
Jyllands-Posturin skrivar, at fregnartænastan hjá løgregluni hevur hildið eygað við teimum fim monnunum teir seinastu mánaðirnar.
