Í dag verður Áki Egilsnes 21 ár, og á føðingardegnum verður hann innlimaður í føroyskum søgubøkurnar, tá hann og restin av U21 landsliðnum spæla fyrsta føroyska landsdystin í einum HM-endaspælið nakrantíð.
Hoyr samrøðuna við at trýsta á pílin undir myndini
- Tað er øgiliga stórt. Hetta er tað vit hava droymt um í nógv ár, og nú standa vit her. Tað er sku ótrúligt, sigur Áki Egilsnes.
Les eisini: (Jónas G. Djurhuus) Samanhaldið ger munin
Hann hevur longu drúgvar royndir bæði í bestu deildini og á U-landsliðum. Hann hevur eisini roynt seg uttanlands og skiftir í næstum til íslendskan hondbólt.
- Áki Egilsnes er ein ungur vestmenningur, sum hevur spælt hondbólt alt sítt lív og brent nógv fyri tí. Annars ein róligur drongur, sigur høvðuspersónurin sjálvur.
Hava vant nógv
Tað hevur verið nógv venjing á skránni, síðani liðið í januar vann seg til HM-endaspælið. Til undankappingina hevði Áki Egilsnes verið nakað skaddur og var ikki í toppform. Nú er hann væl betri fyri.
Les eisini: Brotni fingurin er til reiðar
- Eg veit ikki um eg toppi nú, men eg eri nógv betri fyri nú enn til undankappingina. Tað er langt síðani eg havi vant so nógv sum nú. Allir hava vant nógv í seinastuni og tað vísur bara hvussu nógv vit vilja hetta, sigur Áki Egilsnes
Les eisini: (Ingi Olsen) Mundu ikki fingið passini aftur
Áki Egilsnes er ein av fleiri spælarum, sum hevur verið við allan vegin, tá foreldrini byrjaðu at skipa fyri talentvenjing. Tað hevur gjørt stóran mun í hópinum, sum tykist væl samansjóðaður.
Les eisini: (Sonni Larsen) Spentur og stoltur
- Nú kenna vit hvønn annan so væl, at vit vita nær vit skulu verða seriøsir og nær vit ikki skulu verða seriøsir. Vit vita eisini, at vit skulu kempa fyri hvørjum bólti og at vit kempa fyri hvørjum øðrum, sigur Áki Egilsnes.
Føroyar spæla fyrsta HM dystin í dag móti Kili. Dysturin byrjar klokkan 14 og Rás2 sigur frá dystinum.
