Tær 45.000 genturnar um konfirmatiónsaldur, sum vóru í Parkini í Keypamannahavn í gjárkvøldið – nógvar saman við foreldrum, skríggjaðu so hart, at tær nærum doyvdu harða tónleikin frá enska dreingjabólkinum.
Onkur helt fyri, at tær skríggjaðu líka hart, sum ommurnar gjørdu, tá Beatles var á konsertferð í sekstiárunum. Men munurin var tónleikurin. Serliga Ekstrabladet fer illa við enska dreingjabandinum, sum spældi og sang út í eitt í tveir tímar, eftir at upphitingarbólkur og videtónleikur hevði undirhildið í meira enn tveir tímar. Blaðið skrivar, at teir eru arrogantir og ódugnaligir, men duga at blíva milliónerar upp á tað.
Ummælarin á BT letst ikki at kenna nøvnini á teimum fimm dreingjunum, sum altso eita Louis, Harry, Zayn, Malik og Liam:
– Tað er lættari at kenna nøvnini á limunum í Justin Bieber. Í veruleikanum haldi eg, at eg heldur vildi verið tann, sum uppfann á One Direction, grannskoðarin hjá Simon Cowell, skrivar hann...
Á veg heim úr Parkini í gjárkvøldið løgdu nógvar av ungu gentunum leiðina fram við D'Angleterre, marglætishotellinum á Kongens Nytorv, tí har skuldu dreingirnir í One Direction búgva. Hotellið hevði sett vaktarfólk við dyrnar – og hóast genturnar róptu í kór eftir at síggja One Direction, so vóru eingir dreingir at síggja, tað løtuna in.fo var fram við hotellinum. (sí myndir í myndatema niðanfyri)
Nógvar føroyskar gentur – við foreldrum, vóru eisini í parkini í gjárkvødið. Í kvøld fara ungu bretarnir aftur á pallin, og tá verða eisini nógvir føroyingar millum tey 45.000 lurtandi.
Sangirnir í Parkini vóru:
1. Midnight Memories
2. Little Black Dress
3. Kiss You
4. Why Don't We Go There?
5. Rock Me
6. Don't Forget Where You Belong
7. Live While We're Young
8. C'mon, C'mon
9. Right Now
10. Through the Dark
11. Happily
12. Little Things
13. Moments
14. Strong
15. Better Than Words
16. Alive
17. One Thing
18. Diana
19. What Makes You Beautiful
Ekstranumre
20. You & I
21. Story of My Life
22. Little White Lies
23. Best Song Ever
