Myndugleikarnir í Kolombia siga, at 14 fólk eru funnin deyð eftir eitt skriðulop í gjár, men at bjargingarfólk leita framvegis eftir fólki, sum ikki eru komin afturíaftur. 13 fólk eru higartil bjargað á lívi.
Reyði Krossur, sum hevur sent 50 fólk at hjálpa við bjargingararbeiðinum, sigur, at skriðan leyp í býnum Manizales, og at 16 hús liggja undir mold og runu.
-Vit hava ikki mist vónina um at finna fleiri á lívi, sigur talsmaðurin hjá Reyða Krossi, Leandro Soto, við amerikanska sjónvarpið CNN.
