Søguna um lítla drongin Janus, hevur Edward Fuglø skrivað og gjørt myndir til. Páll Sólstein hevur skrivað tónleikin til søguna, ið verður framførd av tónleikabólkinum Aldubáruni.
Tað er Jensina Olsen, ið sigur søguna afturvið tónleikinum. Jensina Olsen, frásøgumaðurin Andras Sólstein og Aldubáran hava verið kring alt landið og framført 25 skúlakonsertir í ár og hava tey verið stórliga fagnað. Tey hava nú verið í Studio Bloch og innspælt søguna og tónleikin til øll børn í Føroyum.
Á fløguni sleppa børn at uppliva tekningar, tónleik og frásøgn í eini eind, og børnini fáa eina uppliving av at vera við Janusi úti millum stjørnurnar.
Snøgt sagt, ein góður, harður pakki við ljóði og myndum, ið heldur leingi.
Fløgan verður at fáa um alt landið og verður útgávuløta í Klaksvík og Tórshavn samstundis.
Í Leikalund í Klaksvík og í Tórshavn í Tutl-handlinum týsdagin 20. desember kl. 16.30
Í Klaksvík ber til at hitta Edward Fuglø og Páll Sólstein, meðan Jensina og tónleikararnir eru at hitta í Tutl á Glade Hjørn.
